"Sidee Guul Loogu Gaaraa Forex Market?
Forex market waa meel ay malaayiin qof maalin kasta ku ganacsadaan, qaarna waxay ka helaan faa’iidooyin waaweyn halka qaar kalena khasaaro la kulmaan. Su’aasha ugu weyn ee maskaxda dadka badankiisa ku soo dhacda waa: “Sidee baan guul uga gaari karaa Forex?”
Aan si fudud oo dhab ah uga jawaabno.
1. Barashada Aasaaska Waa Fure
Kahor intaadan lacag gelin, waa inaad fahantaa sida suuqa u shaqeeyo. Baro ereyada muhiimka ah sida pips, leverage, margin, spread, iyo lot size.
Waxaan oran karnaa: Forex maaha meel nasiib lagu tijaabiyo – waa meel aqoon iyo xeelad lagu guuleysto.
💡 Talo: Ku billaaw koorsooyin online ah ama kanaalada YouTube ee forex sharaxa.
2. Samee Trading Plan
Guusha Forex ma timaado adigoo random u iibsada ama u iibinaya currency pairs. Waxaa muhiim ah inaad yeelato trading plan—taasoo ay ku jiraan:
Goorta aad suuqa gasho
Goorta aad ka baxdo
Halista aad qaadan karto (risk management)
Yoolkaaga maalinle ama todobaadle
Qorshe la’aan waa sida aad dooni badda ku gashay adoon jiheyn.
3. Xakamee Dareenkaaga (Psychology)
Mid ka mid ah sababaha ugu badan ee traders-ka lagu waayo waa xamaasad iyo cabsi.
Markaad faa’iido hesho, ha isku kicin inaad “overtrade” sameyso; markaad khasaaro hesho, ha isku dayin inaad degdeg u soo ceshato.
Traders-ka guuleysta waa kuwa dareenkooda gacanta ku haya.
🧠 Xusuusnow: Suuqa had iyo jeer wuu jiri doonaa, fursado cusubna mar walba way imanayaan.
4. Adeegso Demo Account
Kahor intaadan lacag dhab ah gelin, samee tijaabo (demo account).
Demo-ga wuxuu kuu oggolaanayaa inaad barato:
Istaraatiijiyaddaada
Sida suuqa u dhaqmo
Sida aad u maareyn karto halista
Tani waa talaabada ugu amniga badan ee lagu baranayo trading-ka.
5. La Soco Wararka Caalamka
Forex waxaa si toos ah u saameeya dhaqaalaha, siyaasadda, iyo dhacdooyinka dunida.
Baro inaad isticmaasho economic calendar, si aad u ogaato goorta ay jiraan warar saameyn ku yeelan kara suuqa (sida wararka FED, GDP, ama NFP).
6. Xisaabi Risk-kaaga
Ha gelin halis ka badan intaad awoodi karto inaad khasaaro.
Qaanuunka caanka ah waa:
👉 Ha halis gelin wax ka badan 2% ee account-kaaga hal trade gudaheed.
Tani waxay kaa caawinaysaa inaad sii noolaato muddo dheer oo aad ka badbaado “wipe out”.
7. Samir Iyo Joogteyn
Forex ma aha qorshe hal maalin ah — waa safar.
Qof kasta wuxuu ku bilaabaa tijaabo, khalad iyo barasho. Guusha dhabta ah waxay timaadaa marka aad samir yeelato, qorshe raacdo, oo aad joogteyso waxbarashadaada.
Gunaanad
Guusha Forex maaha wax qarsoon — waa isku darka aqoon, qorshe, xakameyn nafsadeed, iyo samir.
Haddii aad qaadato hab xirfadle ah oo aad barato sida xirfadlayaasha u fakarayaan, adigana waxaad noqon kartaa mid ka mid ah kuwa ku guuleysta suuqaas weyn.
💬 “Don’t chase money — chase mastery, and money will follow.”
✍️ Qoraal: Mahamod Hassan Blog
0 Comments